ქართული სული თურქეთის გულში.
ყოველ ჯერზე, როცა ვგრძნობ, რომ სადღაც შორს, უცხო მიწაზე ქართულ სიტყვას, ქართულ სიმღერას თუ ტრადიციას ინახავს ადამიანი, გულს განსაკუთრებული სიამაყე მივლის.
დღეს სწორედ ასეთ ადამიანზე მინდა გესაუბროთ — კიდევ ერთ გულანთებულ თურქეთელ ქართველზე, რომლის მთელი ცხოვრება ქართულ კულტურას, ენასა და ორ ქვეყანას — თურქეთსა და საქართველოს — შორის მეგობრობის განმტკიცებას მიეძღვნა.
ჩემი რესპოდენტი გახლავთ ბატონი ერდალ ქუჩუქი (ელიზბარ ცივნარიძე) — ადამიანი, რომელიც ქართული სულის ნამდვილი მატარებელია.
ბატონი ერდალი დაიბადა 1974 წელს მაჭახელა-მინდიეთში (ართვინი, ბორჩხა).
1991 წლიდან ცხოვრობს სტამბოლში. არის დაოჯახებული — მეუღლე ფატმა ალთინი და სამი შვილი ჰყავს.
მისი ცხოვრება და საქმიანობა ქართული კულტურის პოპულარიზაციასა და ერთიანობის განმტკიცებას ემსახურება.
ის არის ქართული კულტურის სახლის დამფუძნებელი და პრეზიდენტი,
პირველი ქართული ვებ-საიტის Chveneburi.Net-ის შემქმნელი და მრავალი კულტურული პროექტის ინიციატორი.
ბატონი ერდალის დიდი ძალისხმევით თურქეთის განათლების სამინისტრომ დაამტკიცა ქართული ენის სწავლების პროგრამა, რაც საშუალებას აძლევს თურქეთში მცხოვრებ ქართველ მოსწავლეებს არჩევით საგნად ისწავლონ საკუთარი მშობლიური ენა — ქართული.
ეს მიღწევა დიასპორის ცხოვრებაში ისტორიული მოვლენაა.
ერდალ ქუჩუქი არის ქართული სულის ჭეშმარიტი გამტარი, ადამიანი, რომლის შრომამ თურქეთელ ქართველებს საკუთარი ფესვები უფრო ღრმად აგრძნობინა.
მისი საქმიანობა მრავალი წელია საქართველოს კულტურის, ისტორიისა და ტურიზმის პოპულარიზაციას ემსახურება თურქულ მედიასა და საზოგადოებაში.
მისმა კომპანიამ “AISI Film” TRT-სთან თანამშრომლობით შექმნა 52-სერიანი პროგრამა “Kafkas Rüzgarı” (კავკასიის ქარი), რომლის მეშვეობით თურქ მაყურებელს გაეცნო საქართველოს ხალხური კულტურა, ცეკვა, სიმღერა და ტრადიციები.
გადაღებები მოიცავდა საქართველოს მრავალ რეგიონს — აჭარიდან სვანეთამდე და თბილისამდე.
ერდალ ქუჩუქი აქტიურად თანამშრომლობდა TRT-ს სხვა ცნობილ პროექტებზეც —
“Uçuyorum” (TRT HABER) და “Bi Dünya Yaşam” (TRT BELGESEL) —
სადაც Türkiye-ს მაყურებელმა უკეთ გაიცნო საქართველოს ბუნება, ისტორია და კულტურული მემკვიდრეობა.
იგი გამორჩეულია თავისი პრინციპულობითაც — Turkish მედიაში გავრცელებული ანტიქართული პროპაგანდის წინააღმდეგ ბრძოლაში, მათ შორის Sabah Gazetesi-ში გამოქვეყნებულ მცდარ მასალებზე რეაგირებით.
2000 წლიდან ერდალ ქუჩუქი ხელმძღვანელობს ვებ-საიტს Chveneburi.Net,
რომელიც ავრცელებს საქართველოს ისტორიასა და კულტურასთან დაკავშირებულ ცნობებს თურქეთში.
იგი აქტიურად იყო ჩართული ორბილინგვური ჟურნალის “Pirosmani” გამოცემაშიც და მხარს უჭერს თურქულ მედიაში საქართველოს შესახებ სანდო ინფორმაციის გავრცელებას.
მისი ყოველი ნაბიჯი ერთ მიზანს ემსახურება —
საქართველოს სწორად, ღირსეულად და გულწრფელად გაცნობა თურქეთსა და მთელ მსოფლიოში.
ბატონო ერდალ,
გულწრფელი მადლობა მინდა გადაგიხადოთ.
თქვენ ნამდვილად გამორჩეული რესპოდენტი ხართ- ხიდი ორ მეგობარ ქვეყანას შორის.
გისურვებთ ჯანმრთელობას, შემოქმედებით ენერგიასა და ახალ წარმატებებს თქვენს ღირსეულ გზაზე.
პატივისცემით,
ე. სურამელი
